آنا دیلیم

🔺 گؤزل‌سن

قوشا خلق ائله‌يیب یارادان سيزی
دونیادا گؤزلدی سنده گؤزلسن
ای دریا گؤزلی ای سو پريسی
دریادا گؤزلدی سنده گؤزلسن

دوداغين دوزلودو سویون سریندی
باتماغا قورخورام قوینون دریندی
دالغا تک قورولان هؤرکلریندی
دالغادا گؤزلدی سنده گؤزلسن

هر اینجه یئریشین بیر ناز هاواسی
هر شیرین گولوشون بیر ساز هاواسی
هر ايستی نفسين بیر یاز هاواسی
هاوادا گؤزلدی سنده گوزلسن

نازلی ملک اولوب گؤیه چيخيردن
یئره‌ده_گؤیه‌ده اییه چيخيردن
سن آللاه یوخومدان نیه چيخيردن
رویادا گؤزلدی سنده گؤزلسن

تزه‌جه آچيلميش لالا‌دی دونیا
آتادی_آنادی_بالادی دونیا
زليمخان گؤزونده اعلادی دونیا
اعلادا گؤزلدی سنده گؤزلسن

✍ زليمخان يعقوب