پنجشنبه بیستم آبان ۱۴۰۰ | 16:0 | -
من سنی گوزله ییم هاچانا کیمی؟
من سنی گؤزلهییم هاچانا کیمی؟
گؤر ساعات نئچهدی؟ نئچه سئوگیلیم؟
قویما حسرت سحر آچانا کیمی
منی قورتوم_قورتوم ایچه سئوگیلیم
اونودا بیلمیرم دامی_دوواری
تاخچادا قوزو تک ملهین تاری
گل کی آیاغینین سسیندن ساری
قالیب سکسکهلی کوچه سئوگیلیم
گلنده سسسیز گل! گل باهار کیمی
گولنده سسسیز گول! باغچالار کیمی
سسسیز کی اورهییم شپه_قار کیمی
اوچار! هئچه بتدی هئچه سئوگیلیم
گؤزلرینده دومان، باخیشیندا چن
گؤزلهدیم گلمهدی! نیگرانام من
آی آللاه اولمایا بو سینیق کؤنولدن
بو سینیق کؤرپودن کئچه سئوگیلیم
✍ نادر الهی
