◀️نمونه لالایی های تورکان آزربایجان
سلاملار
لای لای دئدیم یاتاسان
قیزیل گوله باتاسان
قیزیل گولون ایچینده
شیرین یوخی تاپاسان
🌹🌹🌹🌹
لای لای دییم اوجادان
چیخمیر سسیم باجادان
تاری سنی ساخلاسین
چیچهکدهن قزیلجادان
🌹🌹🌹🌹
بالام یاتییر بشیکده
بولبول اوخور ائشیکده
بیر من بیر دان اولدوزی
دایانموشوق کشیکده
🌹🌹🌹🌹
آریلار آی آریلار
قونار گوله ساریلار
بالاما قوربان اولسون
یاشی اوتموش قاریلار
🌹🌹🌹🌹
بالا بیر سوسیون گوروم
سرو تک بویون گوروم
تاریدان عهدیم بودور
بالامین تویون گوروم
🌹🌹🌹🌹
سنه نولومدی بالا
رنگین سولوپدی بالا
اویانگیلان یوخودان
دوشوم دولوپدی بالا
🌹🌹🌹🌹
یایلیقی کییر لی بالام
قلبی فیکیرلی بالام
تای توشلارین ایچینده
گوزهل شکیلی بالام
🌹🌹🌹🌹
لای لای دییم بویونجا
باش یاستیقا قویونجا
سن یاتگیلان یوخون آل
بویان باخییم دویونجا
🌹🌹🌹🌹
لای لای امگییم بالا
دوزوم چورهگیم بالا
تاریدان آرزییم بودور
گوروم کمومهگین بالا
🌹🌹🌹🌹
بالا بالا بال دادی
بالا آدام آلادی
یاخشیسینا جان قوربان
پیسی وئرهر بال دادی
🌹🌹🌹🌹
بلاما قوزی قوربان
قوزونون یوزی قوربان
قوربان قبول اولماسا
قوی آنان اوزی قوربان
🌹🌹🌹🌹
خیرداجاسان مزهسهن
سن هر گولدهن تزهسهن
قوربان اولوم او گونه
آیاق توتوب گزهسهن
🌹🌹🌹🌹
قزیل گولی دهرهلر
مخمل اوسته سرهلهر
خیری اولسون بالامیین
سوگیسینه وئرهلهر
🌹🌹🌹🌹
لای لای دئیم یاتینجا
باش یاستیقا قویونجا
زارا آمانا گلدییم
سن حاصیلا چاتینجا
🌹🌹🌹🌹
باشیین اوستون کسهرهم
نعنا کیمین اسهرهم
بیر گون سنی گورمهسم
ایللر حسرت گزهرم
