آنا دیلیم

🔺 وطنین

کؤنول! عاشیقی‌سن، دولان، یورولما
هئی باشینا، آیاغینا وطنین!
بو جنّتدن غئیری یانا وورولما!
ایسین-ایستی اوجاغینا وطنین!

آتا یولو ساخلایارمی هر اوغول؟
اؤز یوردونون قوربانیدی نر اوغول
او، بیر آنا، من ده اونا بیر اوغول
سیغینمیشام قوجاغینا وطنین.

یولدان آزان ساتقینلارا اویمارام
گؤزل یئرین لذّتیندن دویمارام
یاخشیلیقدان باشقا بیر سؤز قویمارام
گلیب چاتا قولاغینا وطنین.

«مرد آتا، مرد اوغول» ائل میثالی‌دی
ایگیدین اوره‌یی اؤز ماحالی‌دی
کیشینین عزاسی قاریشمالی‌دی
اؤلن گونو تورپاغینا وطنین.

قوی گولله خایینین گؤزونه دَیسین!
«شمشیر»ین اوخ سؤزو اوزونه دَیسین
داش آتانین داشی اؤزونه دَیسین
توخونماسین دیرناغینا وطنین.

✍ دده شمشیر