جمعه یکم بهمن ۱۴۰۰ | 23:26 | -
نه قاپیمدان، نه باجامدان آی گؤزَل
نه ائویمدن، ساراییمدان کئچیرسن!
گلیشینی، گئدیشینی سای گؤزَل
مین آهیمدان، هاراییمدان کئچیرسن!
نه اوتومدان، نه سویومدان ایچمهدین
نه اوبامدان، نه کؤیومدن اوچمادین
بیر یول گلیب کوچهمیزدن کئچمهدین
هر گون گلیب اورهییمدن کئچیرسن!
قیشی بوش وئر، هئچ یازیم دا کئچمهییر
دومانیم دا، آیازیم دا کئچمهییر
چؤرَک قالیر بوغازیمدا کئچمهییر
بوغازیمدا، چؤرهییمدن کئچیرسن!
بوغازیمدا، چؤرهییمدن کئچیرسن!..
✍ ووقار نعمت
