آنا دیلیم

واخت تبريزين، دونيا ارکين دونياسی
يول تانرينين حاققی درکين دونياسی
ازل-آخير دنيا تورکون دونياسی
اوچ گون، بئش گون، گئجيم-تئزيم اولاجاق
اول آخير دونيا بيزيم اولاجاق.

کئچيتلرده اوجاغيمیز سنگيدی
يوققوشلاردا نفسيميز تنگيدی
تاريخ بيرآز حاق سؤزونده لنگيدی
حقيقتلر چؤزوم-چؤزوم اولاجاق
اول-آخير دونيا بيزيم اولاجاق

يئنی دوزن، يئنی نظام قورآن‌دی
ایلک آنديمیز، سون آنديمیز، توران دی
سوراق وئرن پيغمبردی-قرآن‌دی
نه يازيلسا خيره یوزوم اولاجاق
اول-آخير دونيا بيزيم اولاجاق

قاووشاجاق بؤلولنلر-بؤلگه‌لر
مورلاناجاق قارانليقلار کؤلگه‌لر
ديريله‌جک اوغوز خانلار، بيلگه‌لر
تورکه سجده، تورکه تعظيم اولاجاق
اول-آخير دونيا بيزيم اولاجاق
اول-آخير دونيا تورکون اولاجاق

✍ زلیم خان یعقوب