آنا دیلیم

سئودایه یئتیشمک بیلین آسان اله گلمز
تاپشیرمایاسان جان غمه جانان اله گلمز

مینلرجه بلادن سوووشوب سئوگییه بیرکس
کؤنلون داغیدیب ائتمه یه ویران اله گلمز

ایستک دئدیگین دالغالی بیرغملی دنیزدی
دامچی الینه گؤرمه یه توفان اله گلمز

یئددی یولو جان جان ایسته ییری بیل کی دؤیوشسوز
ایللرجه عزیزیم بو گؤزل خوان اله گلمز

سئودانین ازل شرطی ال اوزمکدی جانیندان
باش وئرمه یه سن سئوگییه قوربان اله گلمز

دونیادا محبت قدیرین بیلمه گرکدیر
باشدان قاییدیب یوخسا بودوران اله گلمز

سئودایه دوشن سئوگی بیلردردینه عشقین
آیلار بویوجا دؤزمه سه درمان اله گلمز

ثریا_بخشی ( آیلار )